Charter Document - 04870356

Universis presentes litteras inspecturis officialis curie Aurelianensis salutem in Domino Noveritis quod in nostra presentia constitutus Guillermus dictus Chens confessus est in jure coram nobis se accepisse a venerabilibus viris decano et capitulo Aurelianensis ecclesie quamdam peciam terre arabilis quam ipsi habebant ut dicitur sitam apud Villermain juxta cymiterium de Villermain ex parte una et juxta cheminum de Magduno ex altera tenendam habendam possidendam et expectandam a dicto Guillelmo et ejus heredibus et successoribus et ad faciendum fructus suos pacifice et quiete in perpetuum salva dicte terre decima justicia et juribus predicto capitulo sub annuo censu triginta sex solidorum parisiensium ipsi capitulo vel ejus mandato tenenti decimam suam de Villermain in crastino Omnium Sanctorum a dicto Guillelmo et ejus heredibus annuatim reddendorum et incipiet prima solutio dicti census in crastino festi Omnium Sanctorum quod erit anno Domini MCCLXXX octavo eo acto quod dictus Guillermus tenetur et promisit per fidem suam edificare in dicta terra infra triennium unam domum ad valorem decem librarum parisiensium suis sumptibus et expensis et dictam domum cum facta fuerit in bono statu tenere et dictum censum solvere prout superius est expressum Tenebitur etiam solvere idem Guillelmus tres solidos parisiensium pro quolibet deffectu dicti census pro emenda De qua domo edificanda ut dictum est Giletus dictus Grantmarrier et Johannes Rouaut coram nobis in jure constituerunt se fide jussores per fidem suam quilibet in solidum pro dicto Guillermo et ad ejus requisitionem erga capitulum memoratum Et obligaverunt [] Renunciantes [] In cujus rei testimonium presentibus litteris sigillum Aurelianensis curie duximus apponendum Datum anno Domini MCC octogesimo septimo die lune post festum beati Bartholomei apostoli