Charter Document - 04870352
| Charter Number: | 04870352 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1282 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis Aurelianensis sede vacante salutem in Domino Noveritis quod coram nobis in jure constituti Robertus Chenart miles Ysabellis ejus uxor Gazotus Chenart armiger et domicella Margareta dicti Gazoti uxor vendunt et nomine vendicionis quittant et liberant venerabilibus viris decano et capitulo Aurelianensibus quamdam domum cum pertinenciis ejusdem domus quam se habere dicunt sitam in claustro Sancti Aviti Aurelianensis in censiva ecclesie Sancti Aviti Aurelianensis ad quatuordecim denarios censuales et ad duodecim solidos parisiensium pro relevacionibus quando eveniunt absque alio honere et absque aliis redebentiis et coustumis precio centum librarum parisiensium de quibus coram nobis se tenent integre pro pagatis renunciantes per fidem suam excepcioni non numerate peccunie non tradite et non recepte dominium jus proprietatem et possessionem dicte domus in dictos decanum et capitulum Aurelianenses totaliter transferendo et in corporalem possessionem venerabilem virum magistrum Thomam subdecanum Aurelianensem nomine ecclesie Aurelianensis inducendo per tradicionem litterarum Constantini quondam decani Sancti Aviti Aurelianensis et capituli ejusdem loci necnon et litterarum bone memorie Manasses quondam episcopi Aurelianensis in quibus litteris continetur quod dicta domus vendita honeratur et debet quatuordecim denarios censuales et duodecim solidos parisiensium tantummodo pro relevationibus quociescumque relevaciones contigerit evenire Promittentes [] Preterea in jure coram nobis Philippus Chenart presbiter fraterque dicti Gazoti Johanna Gazotia et Phelippa filie dicti Roberti Chenart militis per fidem suam predictas vendicionem quittacionem et liberacionem dicte domus et suarum pertinenciarum volunt laudant concedunt et ratas habent et promittunt [] In cujus rei memoriam et testimonium presentibus litteris sigillum Aurelianensis curie duximus apponendum Datum anno Domini M ducentesimo octogesimo secundo die martis post octabas beatorum apostolorum Petri et Pauli