Charter Document - 04870351
| Charter Number: | 04870351 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1282 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Philippus Dei gratia Francorum rex Notum facimus universis tam presentibus quam futuris quod cum Guillelmus de Rebrechien vicarius in ecclesia Sancte Crucis Aurelianensis juxta tenorem ordinationis nostre finaverit cum baillivo nostro Aurelianensi recipiente pro nobis super retinendis perpetuo sibi et successoribus suis vicariis dicte vicarie quibusdam domibus quinque estanconos aut sex continentibus sitis Aureliani in vico Porte Paris ante portam claustri Sancte Crucis contiguis domui Odini matricularii ex una parte et domui Sancti Evurcii Aurelianensis ex altera quas quidem domos Guiardus Fabi quondam canonicus Aurelianensis titulo emptionis ut dicitur acquisivit et eis ad fundationem dicte vicarie concessit nos dictam finationem ratam et gratam habentes volumus et concedimus quantum in nobis est quod dictus Guillermus et successores sui in dicta vicaria dictas domos tenere possint imperpetuum et pacifice possidere sine coactione vendendi vel extra manum suam ponendi salvo in aliis jure nostro et jure quolibet alieno Quod ut ratum et stabile permaneat in futurum presentibus litteris nostrum fecimus apponi sigillum Actum apud Montem Argi anno Domini millesimo ducentesimo octogesimo secundo mense aprili