Charter Document - 04870350
| Charter Number: | 04870350 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1281 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Philippus Dei gracia Francorum rex ballivo Aurelianensi salutem Cum inclite recordationis carissimus dominus et genitor noster Ludovicus rex Francorum in favorem Ecclesie concessisset quod omnes persone laicales decimas percipientes in regno Francie in feodum moventes mediate vel immediate ab ipso quas ecclesie perciperent si eas laici non haberent possint eas relinquere dare et alio quocumque justo et licito modo ecclesiis concedere tenendas in perpetuum ipsius vel successorum suorum assensu minime requisito tu vel aliqui ex parte tua decanum et capitulum Aurelianenses super quibusdam decimis per ipsos acquisitis pretextu ordinationis nostre super novis acquisitionibus que non se extendit ad decimas contra concessionem hujusmodi ut intelleximus impedis et perturbas Quare mandamus tibi quatinus concessionem predictam faciens servari predictos decanum et capitulum super decimis predictis non molestes nec permittas indebite molestari Actum Parisius die martis post festum beati Laurentii anno Domini millesimo ducentesimo octogesimo primo