Charter Document - 04870348
| Charter Number: | 04870348 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1280 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis frater Laurentius humilis abbas et conventus Sancti Evurcii Aurelianensis salutem in Domino Noveritis quod cum proponeremus et conquesti fuissemus in capitulo Aurelianensi super eo quod ipsi nobis quemdam modium justum bladi quem in grangia eorum de Oratorio Fori ad mensuram Balgenciaci percipere consueveramus et debebamus ex donacione nobis facta a deffuncta Maria quondam dicta Pejorlupo cujus olim fuerat grangia predicta nobis subtraxerant per multa tempora et erreragia multa inde receperant que nobis ab eisdem restitui petebamus considerantes affectionem quam capitulum ipsum semper habuit erga nos eisdem quittamus erreragia predicta et contra quittationem istam nos promittimus non venire In cujus rei testimonium dicto capitulo presentes litteras sigillorum nostrorum munimine dedimus roboratas Datum anno Domini MCC septuagesimo nono die sabbati ante Letare Jherusalem