Charter Document - 04870342
| Charter Number: | 04870342 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1278 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie Aurelianensis salutem in Domino Notum facimus quod in nostra presentia constituti Johannes de Saudrevilla armiger et Ysabellis ejus uxor vendiderunt et nomine vendicionis in perpetuum liberaverunt et quittaverunt venerabilibus viris decano et capitulo Aurelianensibus censivam decimam et campipartem et etiam quicquid ipsi tenebant a domo de Mesnilio Girandi pertinente ad capitulum Aurelianense quibuscumque rebus existant res predicte vendite et quocumque nomine censeantur sitas in castellania Stempensi pretio sexagenta librarum parisiensium de quibus coram nobis se tenuerunt integre pro pagatis Renonciantes [] per tradicionem presentium litterarum [] Promittentes [] Immo promiserunt [] obligarunt [] Renunciantes [] seque quoad hec jurisdictioni Aurelianensis curie supponendo et per fidem In cujus rei memoriam et testimonium presentibus litteris sigillum Aurelianensis curie duximus apponendum Datum anno Domini MCCLXX octavo die dominica in vigilia Assumpcionis beate Marie Virginis mense augusto