Charter Document - 04870340
| Charter Number: | 04870340 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1278 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis officialis curie Aurelianensis et archidiaconus Soliacensis in ecclesia Aurelianensi salutem in Domino Noveritis quod coram nobis constitutus Johannes dictus Paleteau filius deffuncti Gauffridi Paleteau armigeri spontaneus non coactus medietatem tractus decime de Viana quam capitulum Aurelianense tenet et possidet in dicta parrochia Viane cum omni jure et dominio quod habebat in dicta decima predicto capitulo in perpetuum ad mortificavit et quicquid juris dominii proprietatis et possessionis habebat aut habere poterat vel debebat in dicta decima quacumque ex causa vel racione dicto capitulo vendidit quitavit penitus et imperpetuum dimisit pro centum solidis parisiensium de quibus idem Johannes coram nobis se tenuit pro pagato in pecunia numerata exceptioni [] Promittens [] Promisit insuper idem Johannes per dictum juramentum se facturum et curaturum erga Gauffridum fratrem suum minorem quod omnia et singula supradicta quando ad etatem perveniet ratificabit laudabit et etiam approbabit et quod contra non veniet aliquo jure ratione minoris etatis seu alia causa vel eciam ratione Preterea Agnes relicta Gauffridi Paleteau materque dicti Johannis omnia et singula supradicta prout sunt superius expressa coram nobis laudavit ratificavit et eciam approbavit et promisit per fidem suam in manu nostra super hoc corporaliter prestitam se contra non venturam racione dotis vel dotalicii nomine seu alio jure causa vel etiam ratione De quibus omnibus et singulis predictis tenendis adimplendis in perpetuum observandis et de non veniendo contra Robertus de Beon et Hubertus de Mongauguier patrui seu advunculi dicti Johannis erga dictum capitulum coram nobis se constituerunt fide jussores [] Et renunciaverunt [] In cujus rei memoriam et testimonium ad requisicionem dictorum Johannis Agnetis et fidejussorum predictorum sigilla nostra presentibus litteris duximus apponenda Datum et actum anno Domini M ducentesimo septuagesimo octavo die veneris post festum apostolorum Petri et Pauli mense junii