Charter Document - 04870337
| Charter Number: | 04870337 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1277 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis officialis curie Aurelianensis salutem in Domino Noveritis quod in nostra presencia constitutus Raginaldus de Sourzs miles vendidit coram nobis et nomine vendicionis imperpetuum quitavit venerabilibus viris decano et capitulo Aurelianensi totam decimam suam de Villemain qualemcumque et in quibuscumque rebus existentem quam se habere dicebat idem miles sitam in parrochia de Charconvilla Aurelianensis diocesis moventem de feudo domini Johannis de Aurelianis militis et retrofeudo reverendi patris domini Aurelianensis episcopi precio septies viginti librarum parisiensium de quibus dictus Raginaldus miles se tenuit coram nobis integre pro pagato in pecunia numerata et renunciavit [] promitens [] Immo promisit [] Promisit eciam dictus Raginaldus miles per fidem suam quod si aliquis seu aliqui alii quam dicti Johannes de Aurelianis miles et dominus Aurelianensis episcopus dixerint se dominos feudales dicte decime vendite vel partis ejusdem et de hoc litigare et eam evincere voluerint seu eciam si dicta decima vel pars ejudem ab ipso Raginaldo milite vel predecessoribus ipsius fuerit obligata alicui et aliqua questio super hoc mota fuerit contra dictos decanum et capitulum quod dictos decanum et capitulum deffendet et in se pro ipsis suscipiet honus litis et totam dictam decimam dictis decano et capitulo quitam et liberam ab honere obligacionis cuilibet contra omnes liberabit garentiet et deffendet suis sumptibus et expensis quod uxor sua et omnes fratres ipsius militis dictas vendicionem et quitacionem et omnia et singula supradicta volent laudabunt et concedent et si quid juris habeant in dicta decima illud dictis decano et capitulo quitabunt penitus et pure dimittent et super hoc dabunt et concedent dictis decano et capitulo litteras sub sigillo autentico sigillatas Promisit insuper [] De quibus omnibus et singulis predictis tenendis et adimplendis Johannes de Villepion miles propter hoc in nostra presencia constitutus pro dicto Raginaldo erga dictos decanum et capitulum per fidem suam in manu nostra prestitam corporalem se constituit fide jussorem et eciam principalem debitorem et redditorem Et quantum ad omnia et singula [] In cujus rei memoriam et testimonium presentibus litteris sigillum Aurelianensis curie duximus apponendum Datum anno Domini MCCLXX septimo die jovis post estivale festum beati Martini