Charter Document - 04870336

A touz cels qui verront cestes presentes lettres Gautier de Nemos seigneur d'Achieres salut en Nostre Seigneur Sachent tuit que nos quarente solz que de cens que d'autre rente assis a Semoi a Meun a Orliens a Dornisi et en toz les lyeus devant diz et totes les apartenances de celi cens queles que eles soient lequel cens ou les apartenances honorauble homme Remon chevecier d'Orliens achata de hanorable homme Gile de Boisson Caillart deen de Seint Pere Empont et a donné et annexé à la chevecerie d'Orliens et lequel cens et toutes les apartenances li diz cheveciers tenoit en fié de mon seigneur Jahan Morin chevalier et icis Johans Morins lou tenoit ansinc de noz en fié avons amorti et amortissons a la dite chevecerie d'Orliens come seignouz sire dou fié de qua la valor de diz quarente soz desus nommez et des apartenances et volons que li diz quarente soz de cens et toutes les apartenances de celui cens soient tenues a toujors mes dou dit chevecier et de cels qui seront chevecier après lui an mein morte Et ce volons et otroions et permetons toutes ces choses devant dites a garentir en bone foi come seigneuz sires dou fié et que contre ces amortissement ne contre les choses de sus dites ne aucunes d'iceles n'en vendrons des or en avant ne n'essarons a venir ne par nos ne par autre et quant a toutes les choses de sus dites eta chacune d'iceles choses tenir et acomplir enterignemant nos obligons nos et noz oirs et touz noz biens presenz et a avenir Et en remenbrance de cestes chose nos icestes presentes letres donames saelées de nostre propre seel Ce fut fait an l'an de Nostre Seignour mil et deus cenz septente et sept lou diemenche devant la seint Jorge