Charter Document - 04870335
| Charter Number: | 04870335 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1277 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Phillippus Dei gratia Francorum rex notum facimus universis tam presentibus quam futuris quod cum juxta ordinationem felicis recordationis carissimi patrui et fidelis nostri Alfonsi comitis Pictavensis et Tholose executores sui testamenti decreverint assignari ecclesie Sancte Crucis Aurelianensis sexaginta solidos turonensium annui redditus pro anniversario dicti comitis ibi annuatim celebrando nos ipsius patrui nostri piam ordinationem cupieutes salubriter adimpleri volumus et precipimus ut quicumque pro tempore fuerit prepositus Aurelianensis dictos sexaginta solidos turonensium annui redditus in termino Ascensionis Domini predicte ecclesie Sancte Crucis reddat annuatim et sine difficultate persolvat nullo alio mandato super hoc expectato Quod ut ratum et stabile permaneat in futurum presentibus litteris nostrum fecimus apponi sigillum Actum Parisius anno Domini MCC septuagesimo septimo mense aprili