Charter Document - 04870333
| Charter Number: | 04870333 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1276 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis Guillelmus decanus totumque Aurelianense capitulum salutem in omnium Salvatore Noveritis quod nos attendentes devocionem quam venerabilis vir magister Petrus de Mota subdecanus ecclesie nostre habet et a retroactis temporibus dignoscitur habuisse erga beatam virginem Genovefam ipsius devotis supplicationibus inclinati statuimus in capitulo generali in vigilia Omnium Sanctorum anno Domini millesimo CC septuagesimo sexto ut decetero in natali dicte virginis quod est tercio nonas januarii festum duplex in nostra ecclesia annis singulis celebretur Postmodum vero dictus subdecanus in vigilia Nativitatis Dominice anno predicto attendens quod qui ad honus eligitur repelli non debeat a mercede quinquaginta solidos parisiensium super domo sua annis singulis capiendos nobis assignavit in modum qui sequitur per manum bursarii dividendos videlicet in duabus vesperis et missa in qualibet earum decem solidos parisiensium et in matutinis quindecim solidos illis tantummodo canonicis qui presentes erunt et integraliter vesperis matutinis et misse dicti festi Matricularii vero qui presentes fuerint dicto servicio capient quilibet pro rata ipsium contingente Presentes autem intelliguntur qui sunt in septimana matricule et altaris quandiu actu serviunt predictis matricule et altari ita quod finito officio in chorum cum aliis revertentur Item canonicis qui in duabus vesp riscantabunt responsorium duos solidos scilicet cuilibet sex denarios et succentori duodecim denarios pro habenda capa serica in missa ultra porcionem que aliis communiter dividetur Item matriculariis laicis pro melioribus et grossioribus campanis pulsandis in dicta sollempnitate duos solidos Preterea attendentes multimodas melioraciones quas dictus subdecanus in domo sua fecerat eidem benigne concessimus in capitulo generali in predicta vigilia Nativitatis quod quicquid de domo predicta et parva domo dicte domui contigua pro quibus solvit quindecim libras annue pensionis post decessum dicti subdecani haberi poterit ultra viginti libras parisiensium dum tamen illud plus non excedat summam quatuor librarum cum predictis quinquaginta solidis in dicto festo distribuatur canonicis et matriculariis clericis eo modo quo superius est expressum In quorum omnium predictorum memoriam et testimonium sigillum nostrum una cum sigillo dicti subdecani presentibus duximus apponendum Actum anno Domini millesimo ducentesimo septuagesimo sexto in vigilia Nativitatis Domini in capitulo generali