Charter Document - 04870332
| Charter Number: | 04870332 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Quittance |
| Date: | 1276 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie Aurelianensis salutem in Domino Noveritis quod in nostra presentia constitutus Henricus de Pinu domicellus confessus est coram nobis in jure viros venerabiles decanum et capitulum ecclesie Aurelianensis tradidisse Johanni Petitbon burgensi Blesensi pro ipso Henrico ipsiusque nomine et mandato centum libras parisiensium de summa quam eidem Henrico et ejus filio debebant iidem decanus et capitulum ex venditione decime de Chaudreio sibi ab eisdem patre et filio facta et dictos decanum et capitulum de dictis centum libris quitavit in perpetuum dictus Henricus nomine suo et filii sui predicti et promisit dictus Henricus per fidem suam quod dictus filius suus solucionem predictam ratam habebit et quod contra dictam quittacionem non venient dicti pater et filius in futurum obligans ad hoc dictus Henricus se et heredes suos et omnia bona sua habita et habenda Datum anno Domini MCCLXX sexto die jovis in vigilia Nativitatis Domini