Charter Document - 04870330
| Charter Number: | 04870330 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1276 |
| Date type: | Internal, A.D., Feast, Lunar |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie Aurelianensis salutem in Domino Notum facimus quod in nostra presentia constituti Hugo dictus Paletiau Agnez ejus uxor Girardus de Chaveneio et Johanna ejus uxor decimam partem totius partis decime quam habebat et habere poterat Johannes de Courcellis quondam pater dictarum Agnetis et Johanne in decima de Vianna necnon decimam partem tractus partis ipsius decime quam habebat et habere poterat dictus Johannes tempore quo vivebat item et quicquid juris habebant et habere poterant et possidebant et possidere poterant dicti Hugo Girardus Agnes et Johanna eorum uxores in tota dicta decima tractu et pertinentiis ejusdem decime site in feodo domini episcopi Aurelianensis moventis etiam ex hereditate dictarum Agnetis et Johanne tam in blado vino napis fabis pisis quam in aliis rebus quibuscumque existat eadem decima vendiderunt et imperpetuum penitus quitaverunt viris venerabilibus decano et capitulo ecclesie Aurelianensis pro decem libris parisiensium suis quitis de quibus ipsi venditores se tenuerunt coram nobis integre pro pagatis in pecunia numerata exceptioni [] Promittentes [] Immo promiserunt [] Renunciantes [] In cujus rei memoriam et testimonium sigillum Aurelianensis curie presentibus litteris duximus apponendum Datum anno Domini millesimo ducentesimo septuagesimo sexto mense septembris die lune ante festum sancti Michaelis