Charter Document - 04870314
| Charter Number: | 04870314 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Restitution |
| Date: | 1262 |
| Date type: | Internal, A.D., Feast |
| Resource Link(s): |
|
Charter:
Officialis curie Aurelianensis omnibus presentes litteras inspecturis salutem in Domino Noverint universi quod cum nos fecissemus capi quemdam presbiterum in claustro de Marzeio pro suspictione latrocinii et aliorum criminum quam habebamus contra ipsum in quo claustro decanus et capitulum Aurelianense dicebant se habere jurisdictionem omnimodam tam spiritualem quam et temporalem ac propter hoc requirerent dicti decanus et capitulum dictum presbiterum sibi reddi a domino episcopo et a nobis ac super hoc veritate inquisita dominus episcopus precepisset nobis ut nos dictum presbiterum redderemus dictis decano et capitulo ac nos vellemus dictum presbiterum reddere dictis decano et pitulo dictus presbiter inventus fuit mortuus in prisione domini episcopi Et propter hoc dominus episcopus precepit Guillelmo preposito suo ut dictum presbiterum redderet dictis decano et capitulo qui incontinenti de caputio suo restituit dictum presbiterum in manu decani nomine ipsius decani et capituli Aurelianensis presente domino episcopo in capitulo generali In cujus rei memoriam et testimonium de mandato domini episcopi presentes litteras dictis decano et capitulo tradidimus sigillatas Datum anno Domini MCCLX primo in vigilia Pasche