Charter Document - 04870296
| Charter Number: | 04870296 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1256 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis magister Odo officialis curie Senonensis in Domino salutem Noverint universi quod coram nobis constituti Hugo dictus Serene de Tespon miles et Margareta ejus uxor undecim modios bladi et avene videlicet quinque modios et dimidium bladi et quinque modios et dimidium avene ad mensuram de Stampis ex parte dicte Margarete moventes [] Asseruit eciam dictus Hugo coram nobis quod dictam venditionem fecit ut precium illius venditionis in utilitatem dicte Margarete ejus uxoris et liberorum suorum convertatur [] Preterea coram nobis constitutus Johannes de Abbatisvilla armiger secundus dominus feodi supradicti ut dicebat dictam vendicionem volens laudans et concedens quantum ad eum pertinebat admortificavit feodum supradictum coram nobis promittens [] Et quantum ad omnia predicta tenenda et complenda dicti Hugo Margareta et plegii supranominati ac Johannes de Abbatisvilla supradictus quocunque eant seu maneant se supposuerunt jurisdictioni curie Senonensis Et asseruit dicta Margareta quod hoc faciebat spontanea non coacta In cujus rei testimonium et memoriam presentes litteras ad peticionem partium predictarum sigillo Senonensis curie fecimus sigillari Actum anno Domini millesimo ducentesimo quinquagesimo sexto die lune post nativitatem beati Johannis Baptiste mense junio