Charter Document - 04870295
| Charter Number: | 04870295 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Arbitration |
| Date: | 1254 |
| Date type: | Internal, A.D., Feast |
| Resource Link(s): |
|
Charter:
G[uillermus] Dei gratia Aurelianensis episcopus omnibus presentes litteras inspecturis salutem in Domino Noveritis quod cum inter dilectos filios O[donem] decanum et capitulum Aurelianense ex una parte et Herveum de Rupibus archidiaconum Balgentiacensem in ecclesia Aurelianensi ex altera contencio verteretur super jure patronatus ecclesie de Bacuns videlicet utrum ad dictos decanum et capitulum collacio dicte ecclesie pertinere deberet vel ad archidiaconum supradictum et tandem super dicta contencione in nos alte et basse esset a dictis partibus compromissum et promissum quod dicte partes ratum et firmum haberent quicquid nos de dicta contencione et eciam de collacione ecclesie hac vice duceremus ordinandum nos auditis racionibus partis utriusque ipsis partibus presentibus coram nobis jus patronatus dicte ecclesie adjudicavimus pertinere ad decanum et capitulum memoratos dicto archidiacono quantum ad hoc perpetuum silencium imponendo et dictam ecclesiam vice capituli contulimus Matheo clerico nostro divine intuitu pietatis Datum anno Domini millesimo ducentesimo quinquagesimo quarto die jovis post festum sancti Luce de consensu parcium predictarum