Charter Document - 04870294
| Charter Number: | 04870294 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1253 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Terricus decanus totumque capitulum Aurelianensis ecclesie omnibus presentes litteras inspecturis in Domino salutem Noverint universi quod vir venerabilis et dilectus noster Petrus archidiaconus Wastinensis quondam concanonicus noster tenens a nobis quandam domum nostram sitam juxta Martreium Sancte Crucis ante puteum ad censum sex librarum parisiensium annuatim petiit a nobis humiliter et devote ut intuitu expensarum et sumptuum quos posuerat et fecerat in reparacione retencione et reedificacione dicte domus sibi vellemus concedere super eadem domo fieri suum anniversarium in nostra ecclesia annuatim Nos vero considerantes sumptus utilitates quos et quas fecerat et posuerat in dicta domo et etiam affectionem quam ad personam ipsius habebamus et habemus eidem archidiacono concessimus concorditer quod quicquid ex proventibus ejusdem domus ultra septem libras parisiensium percipietur a nobis distribuatur in ejus anniversario post ipsius obitum annuatim In cujus rei memoriam et testimonium presentes litteras sigillo nostro fecimus sigillari Datum anno Domini millesimo ducentesimo quinquagesimo secundo die martis ante Pascha