Charter Document - 04870284
| Charter Number: | 04870284 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1248 |
| Date type: | Internal, Calendar, Papal |
| Resource Link(s): |
|
Charter:
Innocentius episcopus servus servorum Dei dilectis filiis archidyacono Bononiensi collectori deputato a nobis in Francia subsidii Imperii Romani et magistro Gregorio canonico Baiocensi ad hec deputato ab eo in civitate et dyocesi Aurelianensibus salutem et apostolicam benedictionem Cum in constitutione pro subventione Imperii Romani in concilio Lugdunensi a nobis edita inter cetera que quibusdam dubia videbantur interpretati fuisse dicamur ut proventus prebendarum cedentium vel decedentium canonicorum in usus ecclesie sue vel alias juxta ipsius ecclesie consuetudines integre ac sine diminutione aliqua convertantur ita quod predicta constitutio ad proventus hujusmodi nullatenus extendatur discrecioni vestre per apostolica scripta mandamus quatinus constitutionem et interpretationem hujusmodi quoad ipsum articulum et ad alios observantes nichil de dictis proventibus occasione prefate constitutionis per vos vel per alios ab aliquibus exigatis et si recepistis aliquid restituentes ommino promissiones et cautiones expositas de solvendis ipsis proventibus vel sequestrationes pecunie ipsarum prebendarum pretextu propter hec ab aliquibus ante interpretationem vel post factas remittere studeatis et quicquid ab eas sequutum est decernimus non valere Data Lugduni VIII kalendas octobris pontificatus nostri anno sexto