Charter Document - 04870282
| Charter Number: | 04870282 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1248 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis M[anasses] decanus totumque capitulum Aurelianensis ecclesie salutem in Domino Noverint universi quod constituti coram nobis Bovo et Vincentius cappellani altaris Beate Marie Magdalene in ecclesia Aurelianensi constructi recognoverunt quod de omnibus teneuris possessionibus et aliis reditibus ejusdem altaris qui hucusque inter ipsos et predecessores suos communes fuerant partitiones et divisiones equales inter se adinvicem fecerant ad perpetuitatem in hunc modum scilicet quod dictis Vincencius et successores ipsius habent ad presens et imperpetuum habebunt pro parte sua ipsos de dictis teneuris possessionibus et reditibus contingente quandam domum sitam juxta ecclesiam Sancti Michaelis duos cameras sitas in Campo Aguenonis ex parte ecclesie Sancti Aviti quoddam arpentum et dimidium vinee situm apud Garillandam ex parte pressorii Radulfi Lescrinier tria arpenta vinearum sita apud fossata de Nemore suum arpentum vinee situm apud Crucem Boxeatam totum censum et totam decimam quem censum et quam decimam habet dictum altare apud calceatam sancti Lazari censum de Porta Dunensi censum de Boello censum quem abbatia Sancti Evurcii et censum quem abbatia de Vicinis debent predicto altari Bovo vero predictus et successores ipsius habent ad presens et imperpetuum habebunt pro parte sua ipsos de teneuris possessionibus et reditibus altaris predicti contingente duas cameras sitas apud ecclesiam Sancti Michaelis domui dicti Vincencii contiguas ex parte Martreii duas cameras in Campo Aguenonis sitas cameris predicti Vincencii contiguas ex parte Ligeris quoddam arpentum et dimidium vinee situm apud Garillandam vineis dicti Vincencii attinentia ex parte pressorii de Orgemont duo arpenta vinearum sita apud Boellum duo arpenta vinearum sita supra calceatam prope Hospicium monialium quamdam petiam terre arabilis in Valle subdecani sitam dimidium arpentum auberie situm apud Sanctum Privatum totum censum et totam decimam quem censum et quam decimam habet dictum altare apud Viliers sive apud Ulmum de Arche Naut censum et decimam de Monte censum et decimam de Varannis censum et decimam de tribus arpentis vinee sitis retro ecclesiam Sancti Vincencii censum et decimam de septem quarteriis vinearum sitis prope presorium de Biona censum de Sancto Privato censum de Rua Nova censum de Gudum censum de Larre censum de Alodio et censum de terra episcopi De quibus particionibus et divisionibus Bovo et Vincentius predicti coram nobis se tenuerunt plenarie pro contentis promittentes per fidem suam quod contra dictas particiones et divisiones inter se de dictis bonis factas per se vel per alios aliquo jure vel aliqua causa non venient in futurum Nos vero particiones et divisiones predictas ad perpetuitatem ratas habentes et firmas ad petitionem dictorum Bovonis et Vincencii eas segilli nostri duximus caractare roborandas Datum anno Domini MCCXL octavo