Charter Document - 04870266
| Charter Number: | 04870266 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1243 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis frater P[etrus] dictus abbas Curie Dei salutem in Domino Noveritis quod cum dilecti filii et fratres nostri abbas et conventus de Oliveto vendiderint in perpetuum viris venerabilibus decano et capitulo Sancte Crucis Aurelianensis novem sextarios frumenti et novem siliginis quos ipsi de Oliveto habebant reddituales in minagio Balgenciaci pro triginta libris parisiensium nos dictam venditionem ratam et firmam habuimus promittentes quod contra ea numquam decetero veniemus In cujus rei testimonium ad peticionem dictorum abbatis et conventus dictis decano et capitulo presentes litteras dedimus sigilli nostri munimine roboratas Datum anno Domini MCCLXIII mense julio