Charter Document - 04870238
| Charter Number: | 04870238 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1236 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Officialis Aurelianensis omnibus presentes litteras inspecturis salutem in Domino Noverint universi quod in nostra presentia constituti Philippus de Reondello miles et domina Maria uxor ejusdem Philippi quamdam plateam quam habebant in Campo Aguenonis virguto venerabilis viri M succentoris Aurelianensis contiguam in censiva domini Johannis de Magduno sitam ut dicitur eidem succentori pro sexaginta solidis parisiensibus vendiderunt et penitus quitaverunt de quibus LX solidis se tenuerunt dicti Philippus et Maria coram nobis integre pro pagatis fide prestita promittentes quod ei dicta platea per se vel per alios nichil de cetero reclamabunt vel facient reclamari immo dictam venditionem prefato succentori vel eis qui ab eo quantum ad hoc causam habuerint guarentient contra omnes Insuper dicta domina Maria per fidem suam renunciavit omni juri quod in dicta platea ratione dotalicii vel quacunque alia ratione habere poterat vel debebat In cujus rei memoriam et testimonium presentes litteras de voluntate parcium fecimus fieri et sigilli nostri munimine roborari Actum anno Domini MCCXXX quinto mense januario