Charter Document - 04870237
| Charter Number: | 04870237 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Lay |
| Charter Type(s): | Exemption |
| Date: | 1235 |
| Date type: | Internal, A.D., Feast |
| Resource Link(s): |
|
Charter:
Ego Guido comes Nivernensis et Forenensis et ego Mathildis comitissa uxor ejus notum facimus universis quod cum peteremus gistum nostrum ab hominibus manentibus in villa Marziaci sita in territorio Nivernensi nos amore Dei pietatis intuitu necnon et ob remedium animarum nostrarum homines capituli Sancte Crucis Aurelianensis in dicta villa existentes et terram ipsius capituli Sancte Crucis a predicto gisto nostro quitavimus in perpetuum et quitamus liberavimus et liberamus ita quod nos heredes vel successores nostri ab ipsis hominibus capituli Sancte Crucis Aurelianensis vel ab heredibus eorumdem hominum vel ab aliis hominibus memorati capituli Aurelianensis in dicta villa Marziaci manentibus sive etiam ab ipsa terra ipsius capituli non poterimus de cetero gistum petere vel exigere vel ab eisdem hominibus de cetero ratione gisti aliquid extorquere In cujus rei testimonium et munimen presentes litteras fecimus sigillorum nostrorum munimine roborari Datum apud Montem Onisium anno Domini MCC tricesimo quarto mense martio die mercurii proxima ante Pascha floridum