Charter Document - 04870233
| Charter Number: | 04870233 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1234 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis Petrus archidiaconus Stampensis salutem in Domino Noverint universi quod Giraldus de Poonvilla in nostra constitutus presentia donationem feodi Villaris Martini a venerabili viro Philippo quondam episcopo Aurelianensi bone memorie factam ecclesie Sancte Crucis voluit et laudavit tamquam secundus dominus feodi supradicti et si forte aliquis se offerret qui se diceret esse secundum dominum illius feodi dictus G teneretur contra illum et contra omnes illos qui se secundos dominos jam dicti feodi dicerent garantire tamquam secundus dominus feodum sepe dictum promisit etiam sepe dictus G quod ipse pro posse suo et bona fide procuraret erga fratres et sorores Mabille uxoris sue filie Raginaldi de Alneto bone memorie quod supradictum feodum in partem suam cederet quam cito ad annos legittimos dicti pueri pervenerint et hoc idem scilicet quod dictum feodum in partem sepe dicti G cederet voluit et concessit et fiduciavit in manu nostra Robinus primogenitus filiorum supradicti Reginaldi de Alneto Si vero dictus G predictas conventiones non observaret vel non posset eas sicut supradictum est adimplere ipse teneretur reddere capitulo Sancte Crucis triginta libras parisiensis monete pro pena ad cujus pene solutionem se obligavit plegium Henricus frater ejus miles fide media si committi contingeret penam illam Dictus vero Giraldus de supradictis omnibus fideliter observandis fidem in manu nostra prestitit corporalem Actum anno incarnationis dominice MCC tricesimo quarto mense maio