Charter Document - 04870230
| Charter Number: | 04870230 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Promise |
| Date: | 1233 |
| Date type: | Internal, A.D., Feast |
| Resource Link(s): |
|
Charter:
Reverendo patri ac domino G[alterio] Dei gratia Senonensi archiepiscopo M decanus Stampensis salutem et se totum ad pedes Noverit paternitas vestra quod Johannes dictus Bois miles in mea presencia constitutus et Acelina uxor sua in mea presentia constituta impignoraverunt capitulo Sancte Crucis Aurelianensis quicquid habent in decima de Alneto ex hereditate dicte Aceline ut asserebant movente pro ducentis libris parisiensibus fide corporali in manu nostra prestita firmiter promittentes quod contra dictam impignorationem per se vel per alios non venirent immo prefatam decimam jamdicto capitulo garentirent legitime contra omnes quamdiu duraret impignoratio supradicta Fulco autem de Alneto miles de cujus feodo dicta decima movere dicebatur impignorationem prefatam ad petitionem Johannis et Aceline uxoris ejus tamquam dominus feodalis quocienscumque opus fuerit garantizabit capitulo memorato De qua eciam garancia predicto capitulo super eadem decima facienda et de dampnis sive deperditis si que idem capitulum pro defectu dicti Johannis vel Aceline uxoris ejus sustineret eidem plenarie restituendis Johannes de Curciaco Ferricus de Corceles Robertus de Mangacuria et Adam de Monteleardo junior milites se pro dictis Johanne et Acelina uxore ejus erga predictum capitulum plegios et quilibet in solidum obligarunt fide media promittentes quod si sepe dictum capitulum dampna aliqua vel deperdita pro defectu dicti Johannis vel Aceline uxoris ejus sustinuerit ipsi infra octo dies posteaquam super hoc fuerint requisiti apud Stampas corporalem tenebunt prisionem donec eidem capitulo super dampnis illis et deperditis fuerit plenarie satisfactum Paternitati autem vestre significo quod ego ad mandatum vestrum super dicta impignoratione laudationes et plegiationes recepi prout in presentibus litteris continetur voluerunt siquidem dicti Johannes et Acelina uxor sua et concesserunt [] predictis conventionibus litteras vestras faciatis et eas factas domino Johanni de Curciaco Aurelianensi canonico sine contradictione tradatis In cujus rei memoriam ad parcium instanciam et plegiorum presentes litteras sigilli mei munimine roboravi Actum anno Domini millesimo ducentesimo tricesimo tercio in festo beati Marci evangeliste