Charter Document - 04870225
| Charter Number: | 04870225 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1230 |
| Date type: | Internal, A.D. |
| Resource Link(s): |
|
Charter:
Philippus Dei gracia Aurelianensis episcopus universis presentes litteras inspecturis salutem in Domino Noverint universi quod triginta duo modii bladi quos Johannes de Boissiaco et Thomas frater ejus et Margarita soror ejus et nobilis mulier Margarita de Berdis in grangiis capituli Anrelianensis de Meso Giraudi et de Foresta in blado decimarum capituli habent pro pace facta inter eos super contencione decimarum sunt de feodo Richardi Harenc et poterit bladum illum super capitulum attestare tanquam res feodi sui et tenetur capitulum ei bladum tradere in omni casu in quo posset ad decimas que erant de feodo suo ipsi capitulo ab eo quitato assignare et eas levare et de attestacione et tradicione supradictis tenebitur ipse et successores sui capitulum indempne conservare In cujus rei memoriam et testimonium ad peticionem supradictorum presentes litteras sigilli nostri munimine lecimus roborari Actum anno Domini M ducentesimo tricesimo mense octobri