Charter Document - 04870220
| Charter Number: | 04870220 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1228 |
| Date type: | Internal, A.D. |
| Resource Link(s): |
|
Charter:
Ego Galeranus de Cranis domini regis baillivus notum facio presentibus et futuris quod Sevinus de Forches et Stephanus fratres et eorum uxores totam decimam quam ipsi habebant in territorio ville que Alnetum dicitur moventem inmediate de meo feudo ecclesie Sancte Crucis Aurelianensis integre vendiderunt quiete et libere in perpetuum possidendam Et ego de cujus feudo movebat decima memorata venditionem ejusdem decime approbavi volui et concessi firmam et stabilem perpetuo permanere Quod ut ratum et notum habeatur presentes litteras feci sigilli mei karactere confirmari Actum anno Domini millesimo ducentesimo vicesimo octavo mense octobri