Charter Document - 04870217

Philippus Dei gratia Aurelianensis episcopus universis presentes litteras inspecturis in Domino salutem Noverint universi quod dilecti in Christo filii decanus et capitulum Aurelianense ex una parte et Aubertus de Vilerpium miles ex altera rogaverunt nos quod eis litteras nostras testimoniales concederemus super decisione contentionis que fuerat inter ipsos quam contentionem et quam decisionem recognoverunt coram nobis taliter processisse videlicet quod cum verteretur contentio inter predictos decanum et capitulum ex una parte et prenominatum Aubertum ex altera super modo capiendi ab ipso singulis diebus unam quadrigatam lignorum in nemore capituli de Planquene tandem predicti decanus et capitulum et idem Aubertus de consensu uxoris sue et filiorum suorum fide ab eis recepta totum ordinationi et declarationi dilectorum filiorum L[eberti] decani J[acobi] cantoris et H[enrici] archidiaconi Aurelianensis haut et bas commiserunt Ipsi vero de consensu utriusque partis ita ordinaverunt et declaraverunt quod idem Aubertus et ejus heres successive in perpetuum singulis diebus poterit capere in nemore capituli de Planquena unam solam quadrigatam ad duos equos tantum sive de vivo sive de mortuo nemore magno vel parvo gracili vel grosso ita tamen quod nemus illud non poterit trahere vel ducere nisi ad illa solummodo loca feodi sui que tanet ab eis A medio septembri usque ad medium marcii tercium equm poterit mittere in succursum et auxilium aliorum duorum obviam usque ad calciatam de Sarcotis et non ultra Alio vero tempore non poterit ponere nisi tantum duos equos ad quadrigam Item a medio marcii usque ad medium septembri non faciet secari in nemore predicto nisi presente quadriga sua sed a medio septembri usque ad medium marcii bene poterit facere secari licet non sit presens quadriga hoc tamen adjecto quod quicumque secabit pro eo quotiens fuerit requisitus a preposito vel forestario vel certo mandato capituli fidem faciet nisi tamen sit in servitio predicti militis ad longum terminum et tunc semel jurabit alicui predictorum pro toto tempore quo perseverabit in servitio ipsius quod non secabit de nemore nisi quantum credet sufficere ad unam quadrigatam et quod post recessum quadrige de nemore amplius de nemore non secabit die illo et quod credit quod quadriga illa sit ventura die illo Si vero super hoc fidem dare vel jurare noluerit capietur pro emenda Item merrenum vel escorcam in nemore facere non poterit sed ligna que voluerit de nemore asportabit inde opera que voluerit in predicto feodo facturus Preterea a festo sancti Martini hyemalis usque ad Natale Domini in nemore predicto poterit capere paxillos quos charnerios appellamus usque ad sexcenta tantum ita quod quodlibet centum contineat triginta javellas et quelibet javella centum charnerios Reponet autem eos apud Sarcotas nec eos inde asportabit donec eos ostenderit mandato capituli Ad faciendos etiam seu parandos charnerios illos in nemore plus quam tres homines simul non habebit qui etiam fidem prestabunt mandato capituli quod in colligendis charneriis numerum sexcentorum non excedent Per predictam autem ordinationem sive declarationem nullum alias fiel predicto militi vel ejus heredi prejudicium sed littere sue in suo robore permanebunt quas habet super usuagio suo sigillo capituli sigillatas Nos autem in hujus rei fidem et testimonium presentes litteras sigillo nostro sigillatas tam capitulo quam predicto militi duximus concedendas Actum anno Domini MCCXXVIII