Charter Document - 04870215
| Charter Number: | 04870215 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Lay |
| Charter Type(s): | Promise |
| Date: | 1227 |
| Date type: | Internal, A.D. |
| Resource Link(s): |
|
Charter:
Ego H[enricus] dominus Soliaci et Virsionis notum facio omnibus quod ego et Radulphus Corraux ac Archembaudus Berruarius milites manucapimus et plegios nos constituimus erga capitulum Aurelianense pro Petro domino Graciaci quod idem Petrus infra mensem ex quo fuerit miles et a capitulo requisitus quod ipse tradet [capitulo] Aurelianensi literas suas patentes secundum formam literarum mearum quas ad petitionem ipsius concessi capitulo supradicto super convenientionibus inter ipsos habitis super nemore Sancte Crucis de Bella foola Constitui etiam supradicto capitulo me plegium in centum libris parisiensibus et predicti milites in centum ita quod ex quo capitulum literas predicti Petri habuerit statim erimus liberati et has presentes nobis reddere tenebuntur Actum anno Domini MCCXXVII mense junio