Charter Document - 04870213
| Charter Number: | 04870213 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Assignment |
| Date: | 1226 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Philippus Dei gratia Aurelianensis episcopus universis presentes litteras inspecturis salutem in Domino Noverint universi quod nos dilectis filiis decano et capitulo Aurelianensibus de voluntate et assensu eorumdem dedimus et assignavimus sexaginta solidos annui redditus percipiendos in redditu qui emetur pro manumissione Giloti filii Gilonis Pontii de Jargolio que pecunia distribuetur tam canonicis quam nutriciis Aurelianensis ecclesie qui divino intererunt servitio in festo beatissimi Guillermi De predicta autem pecunia medietatem percipient canonici et aliam medietatem nutricii obtinebunt Dividetur autem canonicis sua portio ad primas vesperas et secundas et ad missam Nutriciis autem fiet distributio ad primas vesperas ad matulinus et ad missam Nos autem in hujus rei fidem et testimonium presentem paginam litteris annotatam sigilli nostri fecimus munimine roborari Actum anno Domini MCC vicesimo sexto mense maio