Charter Document - 04870205
| Charter Number: | 04870205 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Promise |
| Date: | 1225 |
| Date type: | Internal, A.D. |
| Resource Link(s): |
|
Charter:
Serenissimo domino suo Ludovico Dei gratia regi Francorum illustri L[ebertus] decanus et universum Aurelianense capitulum salutem in eo qui rex est regum et dominus dominantium Promittimus vobis et per presentes litteras nos obligamus si de manumittendo homines nostros de corpore qui de terra nostra in territorio Stampensi tenent vel manent in eadem inter nos et ipsos convenerit quod dabimus vobis ducentas libras parisiensium pro consensu vestro super hoc habendo et pro litteris vestris patentibus tam nobis quam ipsis hominibus concedendis que formam libertatis eis concesse contineant et initas inter nos et ipsos pactiones Medietatem vero predicte pecunie sub premissa conditione vobis persolvemus in octabis instantis festivitatis Omnium Sanctorum et aliam medietatem in octabis Nativitatis Beati Johannis Baptiste post festum illud subsequentis Actum anno Domini MCCXXIIII mense januario