Charter Document - 04870197
| Charter Number: | 04870197 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Lay |
| Charter Type(s): | Ratification |
| Date: | 1221 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Henricus de Soliaco dominus Virsionis omnibus presentes litteras inspecturis salutem in Domino Noverint universi quod cum nobilis vir Herveus bone memorie quondam dominus Virsionensis viris venerabilibus decano et capitulo Aurelianensibus sexaginta solidos annis singulis in festagio de Virsione de illa moneta de qua in eadem villa reliqum solvetur festagium in festo Sancti Remigii percipiendos in ultima sua voluntate legasset et donasset nos dictam donationem volentes et approbantes dictos sexaginta solidos prefatis decano et capitulo persolvimus et quamdiu castrum Virsionis tenebimus absque aliqua contradictione et dilatione memorato termino annis singulis persolvemus In cujus rei memoriam et testimonium presentes litteras fieri fecimus et sigilli nostri munimine roborari Actum anno Domini MCC vicesimo primo mense septembri