Charter Document - 04870193
| Charter Number: | 04870193 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Renunciation |
| Date: | 1221 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis L[ebertus] decanus Aurelianensis salutem in Domino Noverint universi quod R[oberto] de Marciliaco canonico Aurelianensi pro capitulo Aurelianensi et R magistro domus elemosinarie de Ponte Monachorum coram nobis in jure constitutis idem magister recognovit quod compositiones factas cum capitulo Aurelianensi super decimis vini de vineis tam in parrochia de Chaciaro quam in parrochia de Mazeio in decimatione ejusdem capituli constitutis non approbabat nec eas volebat aliquatenus observare Immo de quolibet modio vini quod dicta domus helemosinaria de cetero habitura erat in dictis parochiis in decimatione capituli memorati unam lagenam annis singulis prefato capitulo nomine decime se promisit soluturum In cujus rei testimonium presentes litteras confici et sigilli nostri fecimus munimine roborari Actum anno domini MCC vicesimo mense januario