Charter Document - 04870182
| Charter Number: | 04870182 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1219 |
| Date type: | Internal, A.D. |
| Resource Link(s): |
|
Charter:
Manasses Dei gratia Aurelianensis episcopus omnibus presentes litteras inspecturis salutem in Domino Noverint universi [quod] cum dilectus et fidelis noster Aubertus de Rovreto miles campum juxta vineam [] militis situm de feodo dilectorum filiorum decani et capituli Aurelianensis moventem Hugoni de Mesamium militi in escambium dederit et concesserit pro campo juxta viam que ducit a villa Mesamii versus Trienaium sito de feodo dilecti et fidelis nostri Ade de Loriaco militis et nostro movente quem idem Hugo dicto Auberto quitavit et concessit similiter in escambium pro supradicto campo nos ad peticionem utriusque militis escambium de premissis campis factum ratum habemus et liberaliter approbamus ita tamen quod campus quem modo dictus Hugo possidet ad feodum dicti Ade de Loriaco et nostrum pariter pertinebit et in perpetuum adherebit prefato campo dicti Auberti ad feodum supradictorum decani et capituli Aurelianensis remanente et in perpetuum adherente In cujus rei memoriam et testimonium presentes litteras fieri fecimus et sigilli nostri munimine roborari Actum anno gracie MCC nono decimo mense julio