Charter Document - 04870180
| Charter Number: | 04870180 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1219 |
| Date type: | Internal, A.D. |
| Resource Link(s): |
|
Charter:
Ego Garinus archidiaconus Sigalonie notum volo fieri universis quod cum inter capitulum Aurelianense et[] presbiterum de Naim ex una parte et me ex altera verteretur contencio super procuratione quam michi deberi a dicto presbitero asserebam capitulum et idem presbiter ex una parte et ego ex altera in venerabilem patrem et dominum M[anassem] Aurelianensem episcopum compromisimus promittentes sub pena decem librarum quod observabimus ratum habebimus et firmum quicquid idem episcopus super tota eadem controversia duxerit ordinandum debet autem ista contencio infra instans festum Omnium Sanctorum plenarie diffiniri alioquin extunc compromissio non teneat nisi terminus de consensu parcium prorogetur Actum anno Domini MCC nono decimo mense maio