Charter Document - 04870172
| Charter Number: | 04870172 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1218 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Vulgrinus Beati Evurcii Aurelianensis abbas totusque ejusdem monasterii conventus humilis omnibus presentes litteras inspecturis salutem in Domino Noverit universitas vestra quod cum monasterium nostrum decano et capitulo Aurelianensi refectiones duas annis deberet singulis ita quod in duabus ipsius monasterii festivitatibus tam in illa que mense junio quam in altera que mense celebratur septembri dictos decanum et capitulum et ecclesie sue nutritios ad nostrum monasterium divinum ibidem celebraturos officium accedentes expleto vigiliarum officio duobus procurare teneremur ferculis quorum unum ex vino sano libisque frumentaneis ex nebulis autem et nectare constare reliqum noscebatur prefati decanus et capitulum tantum a reddendi modo seu specie intellectu purissimo sanaque conscientia monasterium nostrum quod refectiones nominatas eis memoratis reddebat temporibus absolverunt ipsum a reddendi genere taliter in perpetuum permanere liber[aliter] concedentes quod in predicta utraque festivitatum ipsis decano et capitulo quadraginta quinque solidos parisiensium a monasterio anno quolibet sine dilatione vel obstaculo nomine refectionis vigiliarum tempore persolventur Beati quoque Donatiani ecclesiam ad nos pertinentem que refectionem unam duobus constantem ferculis in ejusdem ecclesie festivitate prelibatis decano et capitulo suisque nutriciis annuatim reddere tenebatur eodem intellectu et eadem duxerunt conscientia tantum a reddendi genere relaxandum similiter sepefatis decano et capitulo triginta solidos refectionis nomine in ejusdem festivitatis vigiliis annis singulis soluturam Premissis itaque est adjunctum quod sicut consueverunt in prenotatis festivitatibus tam ad pretaxatum monasterium quam ad ecclesiam prelibatam ad celebrandum in eis tam missarum sollempnia quam vigilias accedent Quod ut notum et stabile perseveret presentes litteras sigillorum nostrorum munimine fecimus roborari Actum anno gracie millesimo ducentesimo octavo decimo