Charter Document - 04870171
| Charter Number: | 04870171 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1217 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Abbas et conventus Albe Curie Premonstrensis ordinis omnibus presentes litteras inspecturis in Domino salutem Noverint universi quod cum viros venerabiles decanum et capitulum Aurelianensis ecclesie traheremus in causam coram abbate et priore de NealflaVeteri et priore de Meulent judicibus a Sede Apostolica delegatis super duobus arpentis et dimidio vinearum in banliva Aurelianensi et in censiva Nicholai militis cognomine Amari sitis quas ex collatione Galteri cognominati Pice quondam concanonici eorum ipsis competere dicebant quas etiam ad nostrum pertinere monasterium asserebamus cum idem Galterus se et sua nostre religioni et collegio dedicasset idemque Galterus se aliquam eis de dictis vineis donationem fecisse negabat penitus ut dicebamus cumque nos e contrario dictum capitulum coram judicibus scilicet cantore succentore et Bricio canonico Magdunensibus auctoritate apostolica conveniret super dampnis et deperditis estimatis usque ad summam triginta librarum que dampna et deperdita in domo ejusdem capituli que Gervasia dicitur et in pertinenciis ejusdem domus sustinuit eo tempore quo idem Galterus eam a dicto capitulo tenuit sub annua pensione tandem cum ipso in hanc formam pacis convenimus quod a controversia que contra nos coram judicibus Magdunensibus ut dictum est moverat omnino destitit promittentes quod super dampnis et deperditis memoratis nos nullatenus attentaret decetero molestare Nos vero jus omne si quid in predictis habebamus vineis dicto capitulo spontanee et imperpetuum quitavimus promittentes quod memorato capitulo easdem vineas contra sepe dictum Galterum et contra quemlibet ipsius consanguineum seu propinquum et contra abbatem et conventum de MarcheioRadulfi quorum primo idem Galterus dicitur habitum suscepisse imperpetuum garentiremus dictum capitulum erga omnes predictos indempne servaturi idem vero capitulum pro bono pacis decem et septem libras parisiensium nobis duxit persolvendas Quod ut ratum et cognitum permaneat presens scriptum sigilli nostri karactere fecimus roborari Actum anno Domini MCC septimo decimo mense julio