Charter Document - 04870169
| Charter Number: | 04870169 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1216 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Manasses Dei gracia Aurelianensis episcopus omnibus presentes litteras inspecturis salutem in Domino Universitati vestre notum facimus quod Johannes Papins major Aurelianensis capituli de Marziaco et Philippus ejusdem Johannis filius totam decimam suam quam habebant in dicte ville parrochia memorato capitulo triginta et octo libris parisiensium integre vendiderunt quiete et libere perpetuo possidendam fide prestita corporaliter ab utroque quod in ea de cetero nichil penitus reclamabunt Hanc autem venditionem ejusdem decime factam taliter Natalis qui cognomine Jocetus dicitur de cujus feodo prefatus Johannes ipsam tenebat decimam necnon et Gaufridus de Mota miles de cujus feodo nominatus Natalis decimam hanc tenebat coram nobis positi concesserunt et eam approbantes fide promiserunt interposita se nichil in ea de cetero petituros de ea gaurentienda per jus se plegios concedentes Agnes etiam pretaxati Johannis nunc uxor eamdem venditionem approbans et concedens fide data promisit firmiter quod numquam aliquid in sepe dicta decima reclamabit Quod ut ratum et notum permaneat presentem paginam sigilli nostri caractere ad petitionem partium fecimus roborari Actum anno gracie MCC sexto decimo mense julio