Charter Document - 04870161
| Charter Number: | 04870161 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Lay |
| Charter Type(s): | Assignment |
| Date: | 1213 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Manasses Dei gracia Aurelianensis episcopus omnibus presentes litteras inspecturis salutem in Domino Noverint universi quod Acelina de Castro Novo in nostra presencia constituta recognovit quod Ebrardus frater ejus laborans in extremis sine herede decedens legavit ecclesie Sancte Crucis Aurelianensis de Curia Dei et de Flotano et quibusdam aliis ecclesiis quintam partem tocius terre sue ubicumque eam habebit Cujus medietatem cum dicta Acelina ex caduco fratris sui haberet assignavit predictis ecclesiis LX solidos reddituum pro quinta parte ejusdem medietatis volens et concedens quod in alia medietate quam Rosa relicta predicti Ebrardi nomine dotalicii possidebat quintam partem post decessum ejus percipiant ecclesie supradicte In cujus rei memoriam et testimonium presentes litteras ad petitionem predicte Aceline fieri fecimus et sigilli nostri munimine roborari Auctum anno Domini MCC tredecimo mense aprili