Charter Document - 04870157
| Charter Number: | 04870157 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1212 |
| Date type: | Internal, A.D., Regnal |
| Resource Link(s): |
Cartulaires d'Île-de-France |
Charter:
In nomine sancte et individue Trinitatis amen Philippus Dei gratia Francorum rex Noverint universi presentes pariter et futuri quod nos dilecto et fideli nostro Manasserio Aurelianensi episcopo ejusque successoribus quittamus in perpetuum procurationes quas singulis annis habebamus apud Magdunum et apud Pithiveris pro sexaginta libris monete parisiensis usualis quas ipse reddere tenetur preposito nostro Aurelianensi singulis annis in festo Omnium Sanctorum Et ut hoc permaneat inconcussum presentem paginam sigilli nostri authoritate et regii nominis karactere inferius annotato precepimus roborari Actum Meleduni anno Domini MCCXII regni vero nostri anno xxxiii Astantibus in palatio nostro quorum supposita sunt nomina et signa Dapifero nullo S Guidonis buticularii S Bartholomei camerarii S Droconis constabularii Data vacante cancellaria