Charter Document - 04870151
| Charter Number: | 04870151 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1208 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Raginaldus Dei gratia Carnotensis episcopus omnibus ad quos presentes littere pervenerint salutem in Domino Noverint universi quod cum inter capitulum Sancte Crucis Aurelianensis ex una parte et Milesendem de Juis et heredes suos ex alia super reditibus terre sue de Juis qui pastus et charreium nuncupantur quos cultores illius terre tenentur annuatim solvere questio verteretur post longuas altercationes sub hac forma compositionem amicabilem inierunt quod Milesendis et predicti heredes in terra jam dicti capituli infra instans festum beati Johannis hostisiam construent et pro predictis pastu et charreio septem solidos Parisiensis monete in crastino festi sancte Crucis mense septembri annuatim persolvent et si forte prescripto termino illi septem solidos non redderent memorato capitulo vel procuratori capituli emendarent Preterea memorati Milesendis et heredes sui qui terram predictam excolent justiciabiles erunt capituli vel procuratoris ipsius capituli tam de hostisia quam de terra sicut alii hospites Insuper fructus illius terre non extra domum capituli trahentur immo Milesendis et heredes sui in hostisia sua in terra capituli sicut dictum est fabricata reponere tenebuntur Gerbas vero terre supradicte ad locum illum adducent ad quem alii hospites suas garbas adducent Predicti vero Milesendis et Hugo filius ejus in presentia nostra constituti istam compositionem tenendam fide interposita firmaverunt Quod ut ratum et inconcussum permaneat ad peticionem utriusque partis presentem paginam sigilli nostri munimine fecimus roborari Actum anno gratie M ducentesimo octavo mense novembri