Charter Document - 04870141
| Charter Number: | 04870141 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1204 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Hugo Dei gracia Aurelianensis episcopus omnibus ad quos presentes littere pervenerint in perpetuum Notum facimus universis presentibus pariter et futuris quod cum nobilem quondam dominam Agnetem Brane comitissam consanguineam nostram sincera dum viveret [nobis] copularet dilectio volentes etiam ut post vite presentis hominum ex nostra fructum amicitia reportaret XX solidos annui redditus ob sue remedium anime capitulo Sancte Crucis contulimus possidendos perpetuo in ipsius anniversario dividendos quos XX solidos en grangia de Creventiis scilicet in tribus decime tractibus et in una straminis quadrigata necnon et in posicione excussorum in decima et in uno pastu quem solvit presbyter qui a Stephano qui Boellus cognomine dicebatur de assensu tam uxoris sue quam heredum suorum comparasse noscimur duximus assignandos in opcione tamen successoris episcopi relinquentes quod aut predicta omnia subi detineat et ab ipso suisque successoribus episcopis memorati XX solidi dicto capitulo annis singulis in prefacto anniversario persolvantur aut ipsi capitulo relinquat easdem integre et quiete perpetuo possidenda Quod ut ratum teneatur et notum permaneat presentem paginam sigilli nostri karactere fecimus roborari Actum anno gracie MCC quarto