Charter Document - 04870137
| Charter Number: | 04870137 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1202 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentem paginam inspecturis ego W abbas de Virsione salutem in Domino Tam presencium quam futurorum noverit universitas quod cum Herbertus Bofferius eo quod sextam partem oblationum et minutarum decimarum in parrochia de Noem capiebat excommunicationis sentencie subjaceret idem Herbertus in nostra presencia constitutus receptis a dilecto nostro Johanne Aurelianensi archidiacono quatuor libris parisiensium quicquid tam in oblationibus quam in minutis decimis capiebat eidem Johanni archidiacono in perpetuo quitavit fide prestita quod erga omnes homines pro posse suo hujus rei faceret guarenciam Et quia frater jam dicti Herberti captus tenebatur sepe dictus Herbertus fide interposita et plegio prestito scilicet Stephano Berruer avunculo suo concessit et pepigit quod infra mensem ex quo frater ejus a captione illa exiret eumdem fratrem suum huic rei assensum suum faceret adhibere Et quia in nostra factum fuit hoc presencia ad peticionem utriusque sigilli nostri testimonium adhibuimus Actum apud Petramfictam anno gratie MCCII