Charter Document - 04870134
| Charter Number: | 04870134 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1202 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Henricus Aurelianensis ecclesie archidiaconus notum facio presentibus et futuris quod cum vir quondam nobilis Erchembaldus qui Pejorlupo cognomine dicebatur et uxor Maria nomine jus patronatus ecclesie ville illius que Beccons dicitur et minutam decimam ad eandem ecclesiam pertinentem jure hereditario possiderent tandem in manu bone memorie Manasse quondam Aurelianensis episcopi eadem resignantes tam jus patronatus memorate ecclesie quam dictam decimam Deo et capitulo Sancte Crucis Aurelianensis de assensu et voluntate ejusdem episcopi in elemosinam contulerunt integre et libere jure perpetuo possidenda Ego etiam in cujus archidiaconatu predicta consistere noscebantur hanc eorum donationem pretaxato factam capitulo volui et concessi et eam salvo jure archidiaconi in omnibus aliis approbavi Quod ut ratum teneatur et notum permaneat presentem paginam sigilli mei caractere roboravi Actum anno ab incarnatione Domini millesimo ducentesimo secundo