Charter Document - 04870128
| Charter Number: | 04870128 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1201 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
In nomine sancte et individue Trinitatis Hugo Dei gratia Aurelianensis episcopus omnibus in perpetuum A cognitione presentium volumus ad notitiam pervenire singulorum quod eas domos quas ab Odone de Rupibus emimus cum virgulto et appenditiis capitulo Aurelianensi concessimus Ipsum quoque capitulum karissimis nepotibus nostris Manasse et Hugoni fratribus domos et appenditia cum virgulto ad preces nostras benigne concessit sub annua pensione XX solidorum a predictis Manasse et Hugone post decessum nostrum annuatim capitulo solvendorum Ipsi tamen quamdiu nos vixerimus pensionem illam solvere non tenebuntur Quod ut perpetua stabilitate perseveret presens scriptum nostri fecimus sigilli munimine roborari Actum anno gratie M ducentesimo primo mense septembri