Charter Document - 04870122
| Charter Number: | 04870122 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Approval |
| Date: | 1200 |
| Date type: | Internal, A.D. |
| Resource Link(s): |
|
Charter:
Ego Johannes ecclesie Sancte Crucis Aurelianensis archidiaconus notum fieri volo tam presentibus quam futuris quod cum venerabilis pater Hugo Aurelianensis episcopus assenciente et concedente capitulo Sancte Crucis ecclesie Gargogilensi jus patronatus ecclesie de Noemio liberaliter concessit et benigne nos quantum in nobis est provide liberalitati sue nostram impercientes assensum donationem illam approbamus et eam in perpetuum ratam habentes sigilli nostri attestatione confirmamus Actum anno gratie M ducentesimo