Charter Document - 04870099
| Charter Number: | 04870099 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1184 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Laurentius Dei gratia Beati Maximini abbas et totus meus conventus ejusdem ecclesie omnibus ad quos littere iste devenerint notum fieri volumus quod nos Stephanum filium Radulphi Auterii hominis sancti Maximini et Agnetis ancille Sancte Crucis communiter cum Hugone decano totoque capitulo ecclesie Aurelianensis manumisimus ita quod in clericatus ordine Deo deserviat sub tali etiam conditione quod de reliqua prole predictorum Radulphi scilicet et Agnetis inter nos et ecclesiam Sancte Crucis equalis fiat secundum jus territorii partitio Et ne in posterum super hoc oriatur dissensio decanus et capitulum S Crucis presentes litteras nostras habuerunt et nos similiter eorum litteras suscepimus predictam pactionem continentes Actum publice anno Incarnationis Dominice MCLXXXIV