Charter Document - 04870097
| Charter Number: | 04870097 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1179 |
| Date type: | Assigned |
| Resource Link(s): |
|
Charter:
Ego M[anasses] Aurelianensis ecclesie minister humilis omnibus ad quos presentes littere devenerint notum fieri volumus quod G archipresbiter de Chilleriis quicquid in ecclesia de Chilleriis et in tota parrochia ex jure archipresbiteratus habebat in presentia nostra capitulo Sancte Crucis et nepotibus meis Hu[goni] decano et M[anasse] capicerio Aurelianensis ecclesie dimisit et donationem prescripte ecclesie cum omni libertate a nobis concessa quam tam ego quam Herbertus archidiaconus capitulo fecimus liberaliter concessit Testes qui hoc audierunt Martinus episcopi capellarius magister Landricus magister Rainaldus Cadurcus junior Goffridus matricularius