Charter Document - 04870053

In nomine sancte et individue Trinitatis amen Ludovicus Dei gratia Francorum rex omnibus in perpetuum Regie sublimitatis nostre deposcit officium ut nos qui in solio regni Francorum munere divino residemus amore Dei de ecclesiis sub nostra potestate constitutis solliciti simus et si qua personis divino mancipatis servicio beneficia conferantur maxime illis quas karitatis ac familiaritatis brachiis arcius amplexamur benignum prebeamus assensum et ne processu temporum perturbari aut in irritum duci valeant pietatis intuitu caveamus Notum itaque facimus universis tam futuris quam presentibus quod fidelis ac naturalis noster vir venerabilis Manasses ecclesie Aurelianensis episcopus canonicis suis videlicet capitulo Sancte Crucis annuum redditum quindecim librarum in oblationibus magni altaris et calicis in elemosinam perpetuam donavit certos etiam terminos quibus singulis annis reciperentur assignans statuit et decrevit ut de illis quindecim libris semper in die anniversarii nostri sexaginta solidi et in die anniversarii uxoris nostre Constancie regine que in eadem ecclesia consecrationis sue benedictionem accepit quadraginta solidi canonicis illis qui servitio intererunt persolventur Primus terminus decem librarum est ab Isti sunt dies quando incipit passio Domini donec integre reddantur Secundus terminus centum solidorum est a crastina die exaltationis Sancte Crucis donec integre reddantur Nos igitur a fideli nostro episcopo requisiti et rogati cum apud Karitatem essemus presentibus fidelibus nostris comite Blesensi Theobaldo et Petro fratre nostro [] peticioni ejus que nobis rationabilis videbatur condescendimus et rem totam sicut ab ipso facta est amore Dei et intuiti devocionis quam erga nos ipsum capitulum habere dinoscitur concedimus et presentis scripti patrocinio confirmamus Quod ut ratum deinceps permaneat et inconvulsum scripto commendari et sigilli nostri auctoritate communiri precepimus Actum publice apud Karitatem anno Verbi incarnati MCLXXI Astantibus in palacio nostro quorum subscripta sunt nomina et signa S comitis T dapiferi S Guidonis buticularii S Mathei camerarii S Radulfi constabularii Data per manum Hugonis cancellarii