Charter Document - 04870051

In nomine sancte et individue Trinitatis Ludovicus Dei gratia rex Francorum omnibus in perpetuum Nichil eque magoum aut gloriosum operari creditur liberalis magnificentia regum quam ut ecclesiarum libertatem pietatis studio semper intendat augere et molitas consuetudines quas ad earum gravamen possessionis usus in tenorem juris adduxit rationabili providentia relaxare Cujus rei gratia dilectissimi nostri Manasse venerabilis Aurelianensis episcopi pie petitioni debita benignitate gratum impertientes assensum quoniam ex interne dilectionis affectu ecclesiam Aurelianensem semper dileximus et ejusdem episcopi honoratam personam in nostre gratie familiaritatem speciali prerogativa suscepimus ipsi et successoribus ejus in perpetuum donamus et condonando concedimus quod in domibus episcopalibus post decessum episcoporum neque nos neque successores nostri ligneum deinceps seu ferreum aliquid sicut antiquitus fuerat consuetum seu per nos seu per nostros ministeriales capiemus Lectisternia cortine [] supellex quecunque solet esse ad pulchritudinem sive speciem atque utilitatem domorum et quicquid omnino invenietur decedente episcopo excepto omni eo quod de argento fuerit et de auro quod nobis retinemus salva permanebunt ad opus successuri episcopi In grangiis quecunque superfuerint boves oves et alia quadrupedia galline et quecunque volatilia si mortalitas non vastaverit transcribentur successori et interim vacante sede dum in manu nostra constabit episcopatus labor carrucarum exercebitur et quod conductis operariis et pastis superabundaverit accipiemus Ad majorem etiam Aurelianensis ecclesie libertatem concedimus et per presentis scriptum pagine perpetualiter stabilimus quod quando episcopatus Aurelianensis in manus regias devenerit nullam prorsus exactionem vel talliam in terra ejusdem episcopatus vel nos vel successores nostri de cetero faciemus nisi eam que statuto tempore debetur episcopo scilicet ad festum sancti Remigii quam nostri ministeriales sine contradictione Aurelianensis ecclesie ex nostro vel successorum nostrorum mandato accipient ac reliquos etiam consuetudinarios redditus episcopatus ac ne etiam tallie illius summa supra modum ad gravamen ecclesie ullis occasionibus augeatur certa sub assignatione statuimus ac modis omnibus inhibemus nenumerum LX librarum excedat Quod ut ita perpetue stabilitatis obtineat munimentum et quam presentibus tam futuris perhenniter innotescat scripto commendari ac sigilli nostri auctoritate muniri nostrique nominis subter inscripto karactere corroborari precepimus Actum publice Aurelianis anno ab incarnatione Domini MCLVII consecrationis nostre XXVI Astantibus in palacio nostro quorum subtitulata sunt nomina et signa Sig comitis Blesensis Theobaldi dapiferi nostri S Widonis buticularii S Mathei camerarii S Mathei constabularii Data per manum Hugonis cancellarii