Charter Document - 04870030
| Charter Number: | 04870030 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1167 - 1169 |
| Date type: | Assigned |
| Resource Link(s): |
Cartulaires d'Île-de-France |
Charter:
Alexander episcopus servus servorum Dei dilectis filiis capituli ecclesie Sancte Crucis Aurelianensis salutem et apostolicam benedictionem Injuncte nobis amministrationis officio et pontificalis sollicitudinis debito commonemur ut ea que compositione vel judicio sunt terminata apostolice tuitionis munimine roboremus et perpetue firmitatis robore fulciamus Eapropter vestris justis postulationibus gratum impertientes assensum compositionem que inter vos et Rainaldum de Cracciaco super quibusdam consuetudinibus quas idem R in terra ecclesie vestre de Maziaco requirebat mediante ven fratre nostro P[etro] Bituricensi archiepiscopo de beneplacito et assensu utriusque partis facta est et data hincinde fide firmata sicut in autenticis scriptis exinde factis continetur auctoritate apostolica confirmamus et ut futuris temporibus inviolabiliter observetur eam presentis scripti patrocinio communimus statuentes ut nulli omnino hominum liceat hanc paginam nostre constitutionis infringere vel ei aliquatenus contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Benevenli XVIII kal januarii